ჯონ როკფელერი - ის ისტორიაში ორი სტატუსით შევიდა - როგორც პირველი მილიარდერი კაცობრიობის ისტორიაში და როგორც უდიდესი ქველმოქმედი. როკფელერი ქველმოქმედებას საკუთარი შემოსავლის 10%-ს ახმარდა.

მის მიერ შექმნილი უმსხვილესი კომპანიაა Standart Oil, რომელსაც ამერიკის ნავთობის ბაზრის 90% ეკავა.

როკფელერი თინეიჯერობისას ორ რამეზე, 100 000 დოლარის შოვნასა და 100-წლიან ცხოვრებაზე ოცნებობდა და, თქვენ წარმოიდგინეთ, ორივე ოცნება აისრულა, თუმცა პირველი ოცნება გადაჭარბებით (საოცნებო 100 000 დოლარის ნაცვლად 318 მილიარდი აშშ დოლარი იშოვა), ხოლო მეორე ოცნების სრულყოფაში სულ რაღაც 2 წელი დააკლდა; ჯონ როკფელერი 98 წლის ასაკში გარდაიცვალა.

გთავაზობთ ჯონ როკფელერის 10 ბრძნულ რჩევას:

1 - მირჩევნია,  შემოსავალი მივიღო ასი ადამიანის ძალისხმევის 1%-იდან, ვიდრე საკუთარი ძალისხმევის 100%-დან.

2 - ვინც მთელი დღე მუშაობს, მას ფულის საშოვნელი დრო არ აქვს.

3 - გამოიმუშავეთ რეპუტაცია და ის თქვენთვის იმუშავებს.

4 - შეუპოვრობის საფუძველზე ყველაფრის მიღწევა შესაძლებელია.

5 - ხუმრობა და ფულის სესხება აუცილებელია, მოულოდნელად მოხდეს.

6 - ადამიანებთან ურთიერთობის უნარი - ეს საქონელია, რომლის ყიდვა ისევე შეიძლება, როგორც ვყიდულობთ ყავასა და შაქარს. ამ უნარისთვის მზად ვარ, გადავიხადო იმაზე მეტი, ვიდრე ნებისმიერ სხვაში.

7 - მე არ მჭირდება მოაზროვნე ხალხი, მე მჭირდება მომუშავე ხალხი.

8 - მე არ ვიცი იმაზე უფრო საწყალი ადამიანი, ვიდრე ის, რომელიც მთელ დროს უთმობს ფულის კეთებას ფულისთვის.

9 - ნუ შეგეშინდებათ დიდი ხარჯების. უნდა გეშინოდეთ მცირე შემოსავლების.

10 - იცით, რა მანიჭებს ყველაზე დიდ სიამოვნებას? იმის დანახვა, როგორ მოაქვს ჩემს ძალისხმევას დივიდენდები.

(მოამზადა ნათია ცუხიშვილმა)