სტიქია სამეგრელოში - ამ წუთებში ჩაკეტილია ზუგდიდი-ჩხოროწყუს დამაკავშირებელი ცენტრალური ავტომაგისტრალი ლეწურწუმეს მონაკვეთზე. გადაუღებელმა წვიმებმა და ქარიშხალმა სერიოზური ზიანი მიაყენა ჩხოროწყუს რაიონს.

ადიდებულმა მდინარე ხობისწყალმა დატბორა სასოფლო სავარგულები, გაარღვია ჯებირები და დააზიანა მცირე ზომის ხიდები. დატბორილია სამანქანო გზებიც.

პრობლემაა ელექტროენერგიის მიწოდების კუთხითაც. ხობისწყალის ადიდებამ მაღალი ძაბვის გადამცემი ანძები დააზიანა. სარეაბილიტაციო სამუშაოების დაწყებას წყლის დონე ართულებს.

ჩხოროწყუში უკვე შეიქმნა სპეციალური კომისია, რომელიც ზარალს ითვლის. რაიონში ამ დრომდე წვიმს. გამოდარებას სინოპტიკოსები დღის ბოლოსთვის ვარაუდობენ.