სვანეთში გადაუღებელმა წვიმებმა რამდენიმე მეწყრის ჩამოწოლას შეუწყო ხელი. საკმაოდ დიდი მოცულობის ქვა-ღორღი მესტიიდან ზუგდიდისკენ მიმავალი გზის მე-100 კილომეტრზე ჩამოიშალა. 

ადგილზე მობილიზებულია გზების დეპარტამენტის მძიმე ტქენიკა. მიმდინარეობს ტერიტორიის ინტენსიური გაწმენდითი სამუშაოები. სავარაუდოდ, ჩახერგილი გზა 17:00  საათისთვის გაიხსნება. სპეციალისტების თქმით, სამუშაოები რამდენიმე დღე გაგრძელდება.

ამასთან, მეწყერის გამო აჭარაში დაბრუნებას ვერ ახერხებენ ბათუმის ერთ-ერთი სკოლის მოსაწავლეები, რომლებიც მესტიაში ექსკურსიაზე იმყოფებიან. ამ ეტაპზე ვერ ხერხდება მათთან ტელეფონით დაკავშირებაც.