აფხაზეთის დეფაქტო ლიდერი რაულ ხაჯიმბა მოსახლეობას არწმუნებს, რომ აფხაზეთს რუსეთის გარდა სხვა მოკავშირე არ გააჩნია. რუსეთ-აფხაზეთს შორის ინტეგრაციისა და მოკავშირეობის შესახებ შეთანხმების პროექტთან დაკავშირებით ხაჯიმბამ მოსახლეობას სიტყვით მიმართა.
"განსაკუთრებით მინდა აღვნიშნო, რომ ასეთ თანამშრომლობას მხოლოდ ჩვენი კონსტიტუციისა და აფხაზეთის სუვერენიტეტის საფუძველზე განვახორციელებთ. ასეთივე იქნება ჩვენი ხედვაც შეთანხმებასთან დაკავშირებით, რომელზე მუშაობაც ახლა მიმდინარეობს. ეს შეთანხმება არ არის მოწოდებული შეცვალოს რუსეთთან 2008 წელს ხელმოწერილი საბაზისო შეთანხმება, არამედ ახალი დოკუმენტი ძველზე იქნება დაფუძნებული", - განაცხადა ხაჯიმბამ.
მისივე თქმით, საქართველოსთან საზღვრის დაცვის გაძლიერება, რუსეთ-აფხაზეთის საზღვარზე თავისუფალი გადაადგილებისთვის პირობების შექმნა, საბაჟო პროცედურების გამარტივება - ეს ყოველივე აფხაზურ ინეტერესებში შედის.
(მოამზადა ნინი მოდრეკილმა)
