„რამდენიმე დღეც და საბიუჯეტო ცხოვრების 10 თვეც მიიწურება. დარჩენილია ექვსი სამუშაო დღე და ჯერ 9 თვის გეგმაც არ არის ბოლომდე შესრულებული", - აღნიშნულ კომენტარს ეკომინისტი რომან გოცირიძე facebook-ის პირად გვერდზე წერს:

„ხარჯები გაწეულია 6,722 მილიარდი ლარის ოდენობით, მაშინ როცა ცხრა თვის გეგმა 6,748 მილიარდი ლარის ოდენობით იყო განსაზღვრული. ხარჯვაში ჩამორჩენა ერთია და მეორე- სანახევროდ გაკეთებელი საქმე, რომელიც ასე ელის დამთავრებას.

წლის ბოლომდე რომც მოხერხდეს თანხების სრულად გადარიცხვა მხარჯავი ორგანიზაციებისათვის (რაც ძალიან საეჭვოა), ისინი მაინც ვერ მოასწრებენ დარჩენილ პერიოდში რაიმეს მოთავებას (მშენებლობებზეა საუბარი).

როცა იტყუებიან, ჩვენი წინაპრები ამბობდნენ, თვალში ნაცარს გვაყრიანო! მოდით, ჩვენ თვალში ციფრები შევაყაროთ!" - წერს გოცირიძე.

(მოამზადა ანა ნოდიამ)