დილიდან რუსთაველის გამზირზე, მოსწავლე-ახალგაზრდობის სასახლის მიმდებარე ტერიტორიაზე სტუდენტური აქციის ფარგლებში ე.წ. „სკოჩისგან“ აწყობილი ადამიანების ფიგურებია გამოფენილი.

პროექტის სახელწოდებაა „Tape Protest“ და აქტუალური პრობლემების მიმართ მშვიდობიან პროტესტს გულისხმობს.

პროექტის ავტორი ამერიკელი ხელოვანი მარკ ჯენკინსია, რომელიც თავის ფიგურებს  სხვადასხვა ქალაქის ქუჩებში დგამს და ამ თემაზე ვორქშოფებს აფრიკის ქვეყნებში ატარებს.

 პროექტი საზოგადოების მხრიდან გამოხმაურებასაც გულისხმობს - თუ ქუჩაში შემოგხვდათ „სკოჩის“ ფიგურა, გადაუღეთ სურათი და დათაგეთ #tapeprotest.