სტატისტიკურად ავტოავარიაში წელიწადში 1.2 მილიონი ადამიანი იღუპება. საგზაო პრობლემის გადასაჭრელ ერთ-ერთ საშუალებად, მეცნიერები თვითმართვად მანქანებს მიიჩნევენ.

მიჩიგანის უნივერსიტეტის პროფესორი ლარი ბურნსი ფიქრობს, რომ თვითმართვად მანქანებს საგზაო შემთხვევების რიცხვის შემცირება შეუძლიათ, რადგან ადამიანებისგან განსხვავებით, მანქანები არ თვრებიან, საჭესთან არ ეძინებათ და არც ყურადღება ეფანტებათ.

რობოტი მანქანების გამოყენება 2017 წლიდან იგეგმება. მეცნიერები შიშობენ, რომ კაცობრიობა ჯერ მზად არ არის ისეთი ტრანსპორტის მისაღებად, რომელიც მძღოლს არ საჭიროებს და თავად იმართება. თუმცა, თუ ეს გამოგონება გაამართლებს, მილიონობით ადამიანის სიცოცხლე გადარჩება. თეორიულად, რობოტი მანქანა ადამიანის მიერ მართულზე ხუთჯერ უსაფრთხოა.

ამჟამად მეცნიერები თვითმართვადი მანქანის ტექნოლოგიის დახვეწაზე მუშაობენ, რათა მისი პრაქტიკაში გამოყენებისას ყოველგვარი რისკი მინიმუმამდე დაიყვანონ. მკვლევარები იმედოვნებენ, რომ ეს გამოგონება გაამართლებს და გზებზე მოძრაობა გაცილებით უსაფრთხო გახდება.

წყარო: BBC

(მოამზადა ნინი მოდრეკილმა)