ბრონქიტი და ფილტვების ანთება - აურიეთ ერთმანეთში 40 გ შავი პილპილი, 40 გ დაფქული ქინძის თესლი, 30 გ წვრილი სუფრის მარილი, დაამატეთ იმ რაოდენობის ცხელი წყალი (აუდუღარი), რომ მიიღოთ ფაფის კონსისტენცია. ძილის წინ წაისვით თხლად გულმკერდის არეში და თბილად შეიხვიეთ. გაიმეორეთ ყოველ დღე გამოჯანმრთელებამდე.

მაღალი სიცხე, სურდო, ანგინა - 100 გ შავ პილპილს დაასხით 1 ლ მცენარეული ზეთი და ხარშეთ ნელ ცეცხლზე 30 წუთის განმავლობაში, თან პერიოდულად მოურიეთ. შეიზილეთ ძილის წინ გულმკერდის, ყელის და ცხვირის გარშემო.

გაციება, გრიპი მაღალი სიცხით - 1 ჭიქა დამჟავებულ რძეს დაამატეთ წვრილად დაჭრილი 4-5 კბილი ნიორი და 1 ჩ.კ. შავი პილპილი. კარგად აურიეთ და ერთბაშად დალიეთ. ან: ¼ ჭიქა არაყს დაუმატეთ მწიკვი შავი პილპილი და კარგად აურიეთ. სასურველია მიიღოთ და მაშინვე ჩაწვეთ ლოგინში.

წყარო - etanews.ge