1937 წლის 30 ოქტომბერს დაბადებულა მსოფლიო კინემატოგრაფიის ერთ-ერთი ლეგენდარული ფილმის - „მამაკაცი და ქალის" შემქმნელი, ფრანგი კინორეჟისორი კლოდ ლელუში.
საინტერესო ფაქტია, რომ 1957 წელს, როდესაც დიდი მიხეილ კალატოზიშვილი "მიფრინავენ წეროებს" იღებდა, კლოდ ლელუში, როგორც კინომოყვარული, რამდენიმე დღე ამ ფილმის ოპერატორის ასისტენტად მუშაობდა.
კლოდ ლელუშს სხვა ფილმებიც აქვს გადაღებული - უცნობილესი მსახიობების მონაწილეობით, მაგრამ ისტორიას მაინც „მამაკაცი და ქალის" დაუვიწყარი ფილმით შერჩება.
„გახსოვთ ეს ფილმი და მისი განუმეორებელი მუსიკა? ეს მელოდია ლაიტმოტივად გასდევდა მთელ ჩემს ახალგაზრდობას, ამ მუსიკას ჭკუიდან გადავყავდი, ამ მუსიკის სმენა დღე და ღამე შემეძლო, ამ მუსიკით ვცხოვრობდი... გახსოვთ სცენა - ანუკ ემე მატარებელში და ტრენტინიანი - მანქანაში, ან სანაპიროს სცენა (კაცი და ძაღლი)... გახსოვთ "ქალის" და "კაცის" ბოლო შეხვედრა?
მოკლედ, სიყვარული, მუსიკა და მატარებელი - თავისი ვნებებით და უსაშველო სევდით", - წერს facebook-ის მომხმარებელი თეა ფირცხალავა.
