1.ბეთჰოვენს მასწავლებელი ყოვლად უნიჭო მოწაფედ მიიჩნევდა.

2. როდესაც დარვინმა მედიცინის სწავლა მიატოვა, გულმოკლულმა მამამ უთხრა: „ძაღლებისა და ვირთხების დაჭერის მეტი არაფერი გაინტერესებს".

3. უოლტ დისნეი გაზეთის რედაქციიდან იდეების ნაკლებობის გამო გაათავისუფლეს.

4. ედისონის პედაგოგი მასზე ამბობდა - ისეთი ბრიყვია, ვერაფრის სწავლას მოახერხებსო.

5. ეინშტეინი 4 წლამდე არ ლაპარაკობდა. მასწავლებელს მიაჩნდა, რომ გონებრივად ჩამორჩენილი ბავშვი იყო.

6. როდენის მამა ამბობდა: „იდიოტი შვილი მყავს. ხელოვნების სკოლაში სამჯერ ვერ მოეწყოო".

7. გენიალურ კომპოზიტორს, მოცარტს, იმპერატორმა ფერდინანდმა უთხრა, რომ მის „ფიგაროს ქორწინებაში" „ძალიან ცოტა ხმაური და ბევრი ნოტია".

8. მენდელეევს ქიმიაში სამიანი ჰყავდა.

9. როდესაც ავტომობილ „ფორდს" ვუყურებთ, მიგვაჩნია რომ მისი შემქმნელი ჰენრი ფორდი ყოველთვის მდიდარი ბიზნესმენი იყო. ეს უზარმაზარი იმპერია უკვე ასი წლის არის, მაგრამ ცოტამ თუ იცის, რომ სანამ ასეთ წარმატებას მიაღწევდა ფორდმა რამდენჯერმე თავი ბანკროტად გამოაცხადა. ადამიანს, რომელმაც მსოფლიო ბორბლებზე შესვა, რამდენჯერმე მოუწია ყველაფრის ნულიდან დაწყება.

10. როდესაც მარკონიმ რადიო გამოიგონა და მეგობრებს უთხრა ერთი ადამიანის ნათქვამს ჰაერით გადავცემ სხვებსო, იფიქრეს გაგიჟდაო და ფსიქიატრს მიუყვანეს. რამდენიმე თვის შემდეგ კი მისმა რადიომ მრავალ მეზღვაურს სიცოცხლე შეუნარჩუნა.

როდესაც არაფერი გამოგდით, გაიხსენეთ ეს ფაქტები, იქნებ თქვენშიც იმალება გენიოსი.

(სპეციალურად „რეპორტიორისთვის" თარგმნა თამაზ ჩიქვანაიამ)