ბავშვი, რომელსაც აკლია სიყვარული და მოფერება, იზრდება ცივი, გაუცხოებული და გულგრილი ადამიანი. ბავშვი ისეთი უნდა გიყვარდეთ, როგორიც არის, როგორი გარეგნული თუ შინაგანი თვისებებიც არ უნდა ჰქონდეს - ის ხომ თქვენი შვილია. თუ რამე არ მოგწონთ, ეცადეთ მის გამოსწორებას, განვითარებას, მაგრამ სიყვარული არასდროს მოაკლოთ ამის გამო. სიყვარული ყოველთვის უპირობო უნდა იყოს. თუ მუდმივად იმაზე იფიქრებთ, როგორი გინდათ იყოს თქვენი შვილი, რა თვისებები გინდათ მას ჰქონდეს, რომლებიც არ აქვს, ეს ხელს შეგიშლით მის სიყვარულში და ამის გამოხატვაში. თუ ის ისეთი გიყვართ, როგორიც არის, გაიზრდება თავდაჯერებული, ყოველთვის ექნება საკუთარი ძალების რწმენა და იქნება ბედნიერი. ის ყოველთვის შეძლებს საკუთარი თავის რეალიზებას.
მოეფერეთ და გიყვარდეთ უპირობოდ, პირობები და წესები იყოს, ოღონდ მათ სიყვარულს ხელი არ უნდა შეუშალონ.
(მოამზადა ნინო მჟავანაძემ )
(წყარო mshoblebi.ge )
