ჩოხატაურის მუნიციპალიტეტის სოფელ ერკეთში ჩამოწოლილი მეწყერის გამო შესაძლოა ოთხი ოჯახის ევაკუაცია მოხდეს, ამის შესახებ გურიის სახელმწიფო რწმუნებულმა გიორგი ჩხაიძემ განაცხადა. მისი თქმით, ოჯახების საცხოვრებელი სახლებიდან დროებით გაყვანის შესახებ გადაწყვეტილება ადგილობრივ მუნიციპალიტეტთან ერთად მიიღეს.

მეწყერი სოფელში დილით ადრე ჩამოწვა. ხვალ, 4 ნოემბერს ადგილზე ჩასვლას გეგმავენ გეოლოგები. ისინი საფრთხის მნიშვნელობაზე იმსჯელებენ.

სტიქია დასავლეთ საქართველოში. დიდთოვლობამ და მეწყერმა ყველაზე მეტად აჭარის მაღალმთიანეთი დააზარალა. 7 ათასამდე აბონენტი აჭარასა და გურიაში უშუქოდაა დარჩენილი. ზარალის დათვლა სტიქიის რეგიონებში უკვე დაიწყო.

(მოამზადა ნინი მოდრეკილმა)