ჩინელმა მხატვარმა იან სიაომინმა გადაწყვიტა, თავისი ნიჭი უჩვეულო მეთოდით გამოეხატა.  სხვა მხატვრებისგან განსხვავებით, მან გადაწყვიტა, ფუნჯის ნაცვლად, საკუთარი ენა გამოეყენებინა.

საბედნიეროდ, ორგანიზმისთვის მომწამვლელი საღებავებით არ მუშაობს. იგი სახატავად შაქარს იყენებს. ძველი ჩინური ტრადიციებით, მხატვრები შაქრის დახმარებით დრაკონებს, მაიმუნებს, თევზებს, ძაღლებს, ჩიტებსა და ყვავილებს ხატავენ.

სპეციალურად მხატვრობისთვის საჭირო შაქრის გემო სიაომინს იმდენად მოეწონა, რომ გადაწყვიტა, ენით ხატოს. ამის შედეგად კი მხატვარმა არნახულ წარმატებას მიაღწია. ისე გაითქვა ამ საქმიანობით სახელი, რომ მთელ ჩინეთში მასტერკლასებს ატარებს.

იმისთვის, რომ ენით ერთი ნახატი შექმნას, სიაომინს მხოლოდ 40 წუთი სჭირდება.

(მოამზადა ნინო მჟავანაძემ )

(წყარო  etanews.ge )