საქართველოს პარლამენტის თავმჯდომარემ დავით უსუფაშვილმა პოლიტიკური პარტიების დაფინანსებასთან  დაკავშირებით კომენტარი გააკეთა. უსუფაშვილის განცხადებით, პოლიტიკური პარტიების დაფინანსების საკითხი საპრეზიდენტო არჩევნების შემდეგ გადაიხედება - „ყველა ჩემს კოლეგას, პოლიტიკური პარტიების წარმომადგენლებს ორი სიტყვით მივმართავ: დაფინანსების ვერმიღების მიზეზით გაღიზიანების გამო არ ღირს ხმაურის ატეხვა და მეორე - დაფინანსების თემებს ჩვენ აუცილებლად დავუბრუნდებით საპრეზიდენტო არჩევნების შემდეგ.  ადგილობრივი არჩევნებისთვის გაცილებით უკეთესი და გამართული სისტემა გვექნება" - განაცხადა დავით უსუფაშვილმა.