მსოფლიოში ყველაზე ძვირი საათი გასაყიდად Sotheby's აუქციონზე გამოიტანეს და ის 21,3 მილიონ დოლარად გაიყიდა.
საათი სახელად „Henry Graves Supercomplication" შექმნილია 999 სინჯის ოქროთი და იწონის 500 გრამს, ის კომპანია „Patek Philippe"-მა 30-იანი წლების დასაწყისში დაამზადა ნიუ-იორკელი ბანკირის ჰენრი გრეივსის შეკვეთით. ბანკირი სხვა მაგნატებს შეჰპირდა, რომ ის მსოფლიოში ყველაზე ძვირი და რთული მექანიზმის საათის მფლობელი გახდებოდა და დანაპირები შეუსრულა.
სტანდარტული, საათის და წუთების მაჩვენებელი ისრების გარდა საათი 24 სხვადასხვა მექანიზმს შეიცავს, მათ შორის კალენდრის, მთვარის ფაზების მაჩვენებელს და ქრონოგრაფს. საათს 8 წლის განმავლობაში ამზადებდნენ.
საათის მყიდველი ყატარელი კოლექციონერი საუდ ბინ მუჰამედ ალ-ტანია, რომელიც აუქციონის საბოლოო შედეგის გამოცხადებამდე 2 დღით ადრე გარდაიცვალა, ვრცელდება ინფორმაცია, რომ მან ფული წინასწარ გადაიხადა.
(მოამზადა ნინო მჟავანაძემ)
(წყარო newposts.ge)
