ბავშვები ბუნებრივად მიილტვიან ყოველგვარი ახლისკენ და განსაკუთრებულ ინტერესს ამჟღავნებენ შემოქმედების მიმართ. მშობლების ვალია, ეს ინტერესი დაუკმაყოფილონ და ხელი შეუწყონ მის განვითარებას.

გთავაზობთ რამდენიმე ხერხს, თუ როგორ უნდა დაეხმაროთ ბავშვს შემოქმედებითი უნარების განვითარებაში.

1. ყოველთვის თან ატარეთ მცირე ზომის „ბლოკნოტი" და ბავშვს სთხოვეთ, ახალი შთაბეჭდილებები ფურცელზე გადაიტანოს. ეცადეთ, ხატოს რაც შეიძლება ბევრი.

2. სთხოვეთ არარსებული ცხოველი დახატოს, გამოგონილი, რომელსაც რაც შეიძლება მეტი ცხოველის თვისებები ექნება. ეს ბავშვის ფანტაზიას განავითარებს.

3. მოაწყვეთ ცეკვის საღამო. სცადეთ, ბავშვთან ერთად სხვადასხვა ჟანრში შეასრულოთ ცეკვები.

4. ბუნებაში გაისერნეთ. გზადაგზა ხეების, ჩიტების, მწერების დასახელებები შეასწავლეთ. შეაგროვეთ ფოთლები და ლამაზი ტოტები, შემდეგ ერთად სცადეთ რაიმე კომპოზიციის შექმნა.

5. ნუ დაუშლით სკამებით, ბალიშებითა და პლედებით „სახლის" ან „ციხესიმაგრის" მოწყობას.

6. დაეხმარეთ რაიმე ისტორიის შეთხზვაში. სხვადასხვა პერსონაჟისთვის სხვადასხვა ხასიათი და ქცევები მოიფიქროს. შემდეგ ხელნაკეთი წიგნის შედგენაც შეიძლება.

7. სთხოვეთ, შეღებოს პატარ-პატარა ქვები. მაგალითად, პატარა მრგვალი კენჭი შეიძლება ჭიამაიად აქციოს. მოზრდილ ბავშვებს კი მთელი სიუჟეტის მოფიქრებაც შეუძლიათ.

8. გამორთეთ ტელევიზორი, ტელეფონი, პლანშეტი. ეცადეთ, უქმე დღეებში მხოლოდ თქვენი მოფიქრებული თამაშებით გაერთოთ.

9. თუ სადმე ახლოს მიწის ნაკვეთი მოგეპოვებათ, ნება მიეცით ბავშვს, რაიმე დათესოს და მოუაროს მას. თუ არა და, ქოთანში ჩარგული მცენარეც გამოდგება.

10. შესთავაზეთ დღიურის წერა. ყოველდღიურად ჩაინიშნოს დღის მნიშვნელოვანი მოვლენები.

11. ბევრი კითხვა დაუსვით, რაც შეიძლება ბევრი.

12. დასვით სარკის წინ და თავისი თავის დახატვა სთხოვეთ.

13. სთხოვეთ, თავის თავზე გიამბოთ. ვითომ ერთმანეთს არ იცნობთ.

14. გაჩუმდით 5 წუთით.

15. შეარჩიეთ რომელიმე ზღაპარი და გაითამაშეთ.

(მოამზადა ნინო მჟავანაძემ)

(წყარო  mshoblebi.ge)