დღეს, თბილისის საქალაქო სასამართლოს სამოქალაქო საქმეთა კოლეგიამ გამოიტანა გადაწყვეტილება, რითაც დაკმაყოფილდა ს.ს. "ქართული ფოლადის" სარჩელი. გაუქმდა 2011 წლის 27დეკემბერს დადებული გარიგება, მეტალურგიული ქარხნის აქტივების ინა გუდავაძის კომპანია შპს "რუსთავის ფოლადი"-სათვის გადაცემის თაობაზე და უკანონოდ წართმეული ქონება ისევ ს.ს. „ქართულ ფოლადს" დაუბრუნდა.
„სამართლიანობის აღდგენისათვის ბრძოლის გზაზე პირველი მნიშვნელოვანი გამარჯვებაა მიღწეულია! ს.ს. „ქართული ფოლადის" მენეჯმენტს და მის თითოეულ თანამშრომელს, გვჯერა, რომ მიუხედავად დიდი ზეწოლისა და შანტაჟისა სამართლიანობა იზეიმებს და რუსთავის მეტალურგიულ ქარხანა მალე საბოლოოდ დაუბრუნდება კანონიერ მფლობელს, ხოლო ის ადამიანები, რომელთაც უკანონო გარიგებებით მარტო სახელმწიფო ბიუჯეტი 39 მილიონი ლარით აზარალეს, პასუხს აგებენ კანონის შესაბამისად",- ნათქვამია განცხადებაში.
