ორი გარდაცვლილი, ერთი დაშავებული და ათეულობით დაზარალებული, - ასეთია ბათუმში ე.წ ხოფას ბაზრობაზე გაჩენილი ხანძრის შედეგები.

წინასწარი ინფორმაციით, ცეცხლი ფოიერვერკების მაღაზიაში შედუღებითი სამუსაოების გამო გაჩნდა.

ასევე, ვრცელდება ინფორმაცია ერთი პირის დაკავების შესახებ, რომელიც ადგილზე შედუღების სამუშაოებს ასრულებდა. აღნიშნულს შინაგან საქმეთა სამინისტროში არც ადასტურებენ და არც უარყოფენ.

გარდაცვლილების ცხედრებს ჯერ ექსპერტიზა არ ჩატარებიათ, თუმცა ვარაუდობენ, რომ დაუდევრობას ცოლ-ქმარი ემსხვერპლა.