რიკოთის საავტომობილო გვირაბში დღეიდან ყველა სახის ავტოტრანსპორტის მოძრაობა შეიზღუდა. შეზღუდვა, რომელიც 08:00-დან 18:00 საათამდე იმოქმედებს, 19 დეკემბრის ჩათვლით გაგრძელდება.

საავტომობილო გზების დეპარტამენტის ინფორმაციით, საერთაშორისო მნიშვნელობის თბილისი-სენაკი-ლესელიძის საავტომობილო გზის 143-ე კმ-ზე მდებარე რიკოთის საავტომობილო გვირაბში ელექტრომექანიკური აღჭურვილობის პროფილაქტიკურ სამუშაოებთან დაკავშირებით, 16 დეკემბრიდან 19 დეკემბრის ჩათვლით, დღის განმავლობაში (დილის 08:00 სთ-დან საღამოს 18:00 სთ-მდე), შეიზღუდება ყველა სახის ავტოტრანსპორტის მოძრაობა.

მათივე ცნობით, სატრანსპორტო ნაკადის მოძრაობა გადაერთვება რიკოთის საავტომობილო გვირაბის შემოსავლელ გზაზე.