„პარტია,რომელსაც პასუხსმგებლობის გრძნობა გააჩნია, წაგებული არჩევნებიდან შეცდომებს სწავლობს, აანალიზებს და ახალ პარტიად გარდაქმნას ცდილობს."-ეს განცხადება „ნაციონალური მოძრაობის" საპრეზიდენტო კანდიდატმა, დავით ბაქრაძემ გადაცემა „ღია ეთერში" გააკეთა.
განმარტება მედიასაშუალებებში, გავრცელებულ ფრაზას მოჰყვა, სადაც აღნიშნული იყო, რომ „ნაციონალური მოძრაობა" დასრულდა. ბაქრაძე აცხადებს, რომ მისი ნათქვამი შემოკლებულია, რამაც მისი კონტექსტის შეცვლა გამოიწვია.
„მე ვერ ვიქნებოდი ამ ძალის საპრეზიდენტო კანდიდატი, რომ ვთვლიდე, ეს ძალა დასრულდა."-აღნიშნა ბაქრაძემ.
მისი თქმით, „ნაციონალური მოძრობის" არჩევნებში წაგება მნიშვნელოვანი გაკვეთილი აღმოჩნდა, რის გამოც პარტიამ ცვლილება გადაწყვიტა.
„ჩვენ ვართ ცვლილებების პროცესში და ვსაუბრობთ თემებზე, რომლებიც წლების მანძილზე დახურული იყო."- განაცხადა „ნაციონალური მოძრაობის" საპრეზიდენტო კანდიდატმა.
