„რომ არ ყოფილიყო ხელოვნური გათოვლიანება, წელს, 20 დეკემბერს ზამთრის ტურისტული სეზონი ვერ გაიხსნებოდა", -ამის შესახებ ვიცე-პრემიერმა, ეკონომიკისა და მდგრადი განვითარების მინისტრმა გიორგი კვირიკაშვილმა გუდაურში ზამთრის ტურისტული სეზონის გახსნასთან დაკავშირებით გამართულ ღონისძიებაზე განაცხადა. მისი თქმით, ფაქტობრივად დასრულებულია გათოვლიანების სისტემების დამონტაჟება.

„წყლის არხები ბოლომდეა მიყვანილი. მოხდა გუდაურის პირველი ტრასის სრულად გათოვლიანება. მომავალი წლიდან გაგრძელდება გათოვლიანებისთვის საჭირო სისტემების დამონტაჟება გუდაურის კიდევ ორ ტრასაზე და, ასევე, დამონტაჟდება ხელოვნური რეზერვუარები, იგივე ტბები. რის შემდეგაც სრულყოფილად დაიწყებს ხელოვნური გათოვლიანების სისტემა ფუნქციონირებას", - განაცხადა გიორგი კვირიკაშვილმა.