იურისტი ვალერი გელბახიანი თვლის, რომ თავდაცვის სამინისტრომ, უკრაინაში დაღუპულ ჯარისკაცთან დაკავშირებით გაკეთებული განცხადებით, სახელმწიფოებრივი შეცდომა დაუშვა.
„შთაბეჭდილება მექმნება, რომ ქვეყნის მაღალი თანამდებობის პირები ძალიან არასერიოზულად ეკიდებიან სახელმწიფოებრივ საკითხებს!" - აღნიშნა ვალერი გელბახიანმა დღეს „რეპორტიორის" პრესკლუბში გამართულ პრესკონფერენციაზე.
„ვწუხვარ, რომ ახალი ხელმძღვანელობის, ახალი მინისტრის მიმართ ასეთი განცხადების გაკეთება მიწევს, მაგრამ უფრო იმაზე ვწუხვარ, რომ ვერ აცნობიერებენ, რა გააკეთეს ამ განცხადების გაკეთებით. უფრო ღრმად უნდა დაფიქრდეს მთავრობა, როცა საკადრო არჩევანს აკეთებს. საჭირო იყო, რომ მინისტრად დაენიშნათ პოლიტიკური გამოცდილების მქონე ადამიანი. თავდაცვის სამინისტრომ ამ განცხადების გაკეთებით სახელმწიფოებრივი შეხდომა დაუშვა!" - განაცხადა ვალერი გელბახიანმა.
