1.ერბოკვერცხი ჰაეროვანი რომ გამოგივიდეთ, თითო კვერცხზე 1 სადილის კოვზი ცივი წყალი დაუმატეთ და კარგად ათქვიფეთ.
2. საფუარის ნაცვლად ცომში (ფუნთუშის, კექსის) შეგიძლიათ კონიაკი დაუმატოთ. დესერტი უფრო არომატული და გემრიელი გამოგივათ.
3. კვერცხის ცილას სიცივე და სიმჟავე უყვარს. ამიტომ, სწრაფად და კარგად რომ აითქვიფოს, მაცივარში გააცივეთ და ლიმონის რამდენიმე წვეთი დაუმატეთ. კვერცხის გულს კი პირიქით, სითბო და შაქარი უყვარს.
4. შეწვისას ხორცმა დაბრაწული კანი რომ გაიკეთოს, თაფლი უნდა გადაუსვათ. ტკბილი გემოს დასაკარგავად შეგიძლიათ პილპილ-მარილით ან აჯიკით შეაზაოთ.
5. ხახვმა სიმწარო რომ დაკარგოს დაჭრილი საცერზე მოათავსეთ და მდუღარე წყალი გადაავლეთ.
6. მოხარშვისას კვერცხები რომ არ დაიბზაროს ქვაბში ჩადებამდე თბილ წყალში გარეცხეთ.
7. ადუღებისას რძე ქვაბს რომ არ მიეკრას, რძის ჩასხმამდე ქვაბს ცივი წყალი მოავლეთ და რძე დაბალ ცეცხლზე ადუღეთ.
8. ბოსტნეული წვნიანში ჩაყრამდე უნდა დაარჩიოთ და გარეცხოთ.
9. მოხარშულ სტაფილოს კარგი გემო რომ შეუნარჩუნდეს 10-15 წუთზე მეტი არ ადუღოთ. სტაფილოს, ისევე როგორც სხვა ბოსტნეულს საშუალო ცეცხლზე ხარშავენ და მოხარშვის შემდეგ აყრიან მარილს.
10. ბრინჯი ფანტია რომ გამოგივიდეთ მოხარშვამდე 30 წუთით ადრე ცივ წყალში ჩაალბეთ.
11. მარილს სისველე რომ არ გაუჩნდეს, მარილიან ქილაში ბრიჯნის რამდენიმე მარცვალი ჩააგდეთ.
12. ბრინჯი რომ არ ჩაგეხარშოთ, მოხარშვამდე ცოტა მოხალეთ. თუმცა, გახსოვდეთ, რომ ასეთი პროცედურის შემდეგ ბრინჯი ზომაში აღარ მოიმატებს.
13. ადუღებისას რძე რომ არ `გაგექცეთ~, ადუღებამდე ცოტა შაქარი ჩაყარეთ და კარგად მოურიეთ.
14. თუ გსურთ, მოხარშვის შემდეგ ბრინჯი გამჭვირვალე გახდეს, 5 წუთით მდუღარე წყალში გააჩერეთ.
15. მოხარშვისას მაკარონი და ბრინჯი ერთმანეთს რომ არ შეეწებოს წყალში ცოტა ზეთი დაუმატეთ; მოხარშვის შემდეგ კი საწურზე მოათავსეთ და ცივი წყალი გადაავლეთ.
16. მომჭკნარ კამასა და ოხრახუშს გამოაცოცხლებთ, თუ წყალში რამდენიმე წვეთ ძმარს ჩაასხამთ და მასში მწვანილს მოათავსებთ.
17. თუ გსურთ, მოხარშვის შემდეგ ბოსტნეულმა გემრიელი გემო შეინარჩუნოს, ადუღებულ წყალში ჩაყარეთ, ხოლო თუ გსურთ, რომ ბულიონი იყოს გემრიელი, _ ბოსტნეული ცივ წყალში ჩაყარეთ და ისე მოხარშეთ.
(წყარო:marao.ge)
