მამაკაცების ჩაცმულობაში ახალი ტენდენცია ჩნდება: - ლამბეროსექსუალები. მათი ძირითადი განმასხვავებელი ნიშანია - გრძელი, მოვლილი წვერი, სადა ტანსაცმელი (უბრალო მაისურები ან ფლანელის პერანგები) და უხეში, უბრალო გარეგნობა.

ლამბეროსექსუალური სტილი მოვლილი, ძვირადღირებულ ტანსაცმელში გამოწყობილი მეტროსექსუალების ანტითეზად იქცა.

დასახელება „ლამბეროსექსუალი" ინგლისური „lumberjack"-დან მოდის (ტყის მჭრელი). ზუსტად ამგვარია ჩრდილოამერიკული კანადური ტყისმჭრელების ჩაცმულობა: წვერიანი, ჩაფსკვნილი ათლეტები, კუბოკრულ ფლანელის პერანგებში და ნაჯახით ხელში.

„მეტროსექსუალების განაზებულ საზოგადოებას სუფთა ჰაერის მოყვარული მამაკაცები ენაცვლებიან" - წერს პოპულაური ამერიკელი ბლოგერი რომ ჰიუზაკი.

ჩრდილოამერიკელი მეტყევეების გარდა ლამბეროსექსუალების გარეგნობაზე დიდი გავლენა იქონია ჰიპსტერების კულტურამ. ლამბეროსექსუალები ტექნოლოგიების სფეროში მოღვაწეობენ და გვარიანი ანაზღაურებაც აქვთ. ამასთან ეს მამაკაცები გამოირჩევიან მოვლილი წვერით, ნატიფი გემოვნებითა და საოჯახო სამზარეულოს სიყვარულით. ამ სტილის ყველაზე ცნობილი წარმომადგენლები არიან ამერიკელი მსახიობები: რაიან გოსლინი, ჯო მანგანელო, ფრანგი ფეხბურთელი ერიკ კანტონა, ავსტრალიერი ჰიუ ჯეკმანი და ბრიტანელი ჩალი ჰანამი. 

(სპეციალურად საიტისთვის თარგმნა თამაზ ჩიქვანაიამ)