პრაიმერის მორიგი ტური დღეს ზუგდიდში გაიმართება. შალვა დადიანის სახელმწიფო დრამატულ თეატრში, „ნაციონალური მოძრაობის" საპრეზიდენტო კანდიდატის გამოსავლენად მოსახლეობა და პარტიის წევრები 15:00 საათზე შეიკრიბებიან.  შეხვედრაში მოაწილეობას დავით ბაქრაძე, შოთა მალაშხია, გიორგი ბარამიძე და ზურაბ ჯაფარიძე მიიღებენ. დებატების თემა საგარეო პოლიტიკა და უსაფრთხოება იქნება.

შეგახსენებთ რომ, საპრეზიდენტო კანდიდატის გამოსავლენად ეს  „ნაციონალური მოძრაობის" რიგით მეოთხე პრაიმერი იქნება. პირველი ტური ქალაქ ქუთაისში ჩატარდა, შემდეგ კი გორსა და თელავში. მომდევნო პრაიმერი ხვალ ბათუმში იგეგმება ხოლო  თბილისში, 27 ივლისს შემაჯამებელი შეხვედრა იგეგმება.