ქართველი დიზაინერი მიხეილ ნარიმანიშვილი საზოგადოებას ბიჟუტერიისა და შიდა თუ გარე ინტერიერისთვის ნაკეთობების ახალ ხაზს სთავაზობს.
პროფესიით არქიტექტორი, 36 წლის შემოქმედი თითოეულ ნაკეთობასა თუ სამკაულს ექსკლუზიური დიზაინით ასრულებს.
"INDUSTRIAL DESIGN BY MIKHAIL"- ახალი საავტორო ხაზი თანამედროვე და ამავე დროს, რეტრო სტილის მოყვარულებს აუცილებლად დააინტერესებს. ხეში გამჭვირვალე მინებითა და სხვადასხვა საინტერესო მასალისგან შექმნილი ინტერიერის ავეჯი, კონცეპტუალური სანათები და მინიმალისტური, მაგრამ დახვეწილი გემოვნებით შექმნილი ნივთები დამთავლიერებელს გულგრილს არ დატოვებს.
„რეპორტიორი" ევროპის ბაზარზე ერთ-ერთ ყველაზე მოთხოვნად დიზაინერს ექსკლუზიურად ესაუბრა. როგორც ირკვევა ნარიმანიშვილის შემოქმედებით არა მარტო საქართველოში, ევროპაში „სელებრითებიც" ინტერესდებიან. ახალი საავტორო ხაზი ჯერ-ჯერობით თბილისში, შარდენის #1-ში მაღაზია flabour- ში არის ხელმისაწვდომი, თუმცა კოლექცია ევროპის ბაზარზე გასატანად ემზადება.
აღსანიშნავია ისიც, რომ თითოეული ნაკეთობა ექსკლუზიურია.
