"ქართული ოცნების" ოფისში პოლიტსაბჭოს სხდომა გაიმართა. პოლიტსაბჭოს წევრებს პრემიერ-მინისტრი ირაკლი ღარიბაშვილი და პარლამენტის თავმჯდომარე დავით უსუფაშვილი 4 საათზე მეტხანს დახურულ რეჟიმში ხვდებოდნენ.

სხდომის მონაწილეები ცხადებენ, რომ შეხვედრაზე ძირითადი განხილვის თემა საგაზაფხულო სესიისთვის მზადება იყო.

დეპუტატების თქმით, განსაკუთრებული გადაწყვეტილებები არ მიუღიათ.

სხდომიდან გამოსული „მრეწველების" ლიდერი, დეპუტატი გოგი თოფაძე,  ამბობს, რომ პრეზიდენტის პარლამენტში მისვლის თაობაზე დღეს არ უსაუბრიათ, მაგრამ უკვე გადაწყვეტილია, რომ გიორგი მარგველაშვილი წლიური ანგარიშით პარლამენტში თებერვლის მესამე კვირაში მივა.