შინაგან საქმეთა მინისტრმა, ირაკლი ღარიბაშვილმა, ზუგდიდში განვითარებულ მოვლენებთან დაკავშირებით განცხადება გააკეთა: „პოლიცია იცავდა და იცავს „ნაციონალური მოძრაობის" წევრებს იმისთვის, რომ არ დავუშვათ ექსცესები და ვუზრუნველყოთ მათი უსაფრთხოება. სამწუხაროდ, რამდენიმე ადამიანის მხრიდან „ნაციონალური მოძრაობის" წევრების მიმართ დაფიქსირდა ძალადობა. მინდა სრული პასუხისმგებლობით განვაცხადო, ყველა ეს ადამიანი იქნება სამაგალითოდ, ძალიან მკაცრად დასჯილი კანონის შესაბამისად. ჩვენ ვთქვით და შევპირდით მოსახლეობას, ასევე საერთაშორისო თანამეგობრობას, რომ მოახლოებული საპრეზიდენტო არჩევნები იქნება სამაგალითო. ეს იქნება კიდევ ერთი, წინ გადადგმული ნაბიჯი დემოკრატიისკენ. შესაბამისად, ჩვენ არ დავუშვებთ და ვგმობთ ნებისმიერ ძალადობას", - განაცხადა ირაკლი ღარიბაშვილმა. შეაგხსენებთ, ზუგდიდში, შალვა დადიანის სახლემწიფო თეატრის წინ, „ერთიანი ნაციონალური მოძრაობის" საპრეზიდენტო კანდიდატის გამოსავლენად დაგეგმილ პრაიმერის დროს, ადგილობრივმა მოსახლეობამ საპროტესტო აქცია გამართა. აქცის მონაწილეებმა ადგილზე მისულ „ნაციონალების წევრებს" ბოთლები, ქვები და ცოცხები დაუშინეს.
