კლოდ მონეს ტილო „Le Grand Canal", რომელიც 1909 წელსაა შექმნილი, ლონდონში Sotheby's-ის აუქციონზე 23,7 მლნ გირვანქად (35,9 მლნ დოლარად) გაიყიდა. ნახატი იმპრესიონისტებისა და სიურრეალისტების ნამუშევრების Bonhams-ისა და Sotheby's-ის აუქციონებზე ყველაზე ძვირადღირებული ლოტი გახდა.

მონეს ფერწერული ტილო, რომელზეც გამოსახულია ვენეციის არხი, აუქციონის დაწყებამდე ექპერტების მიერ 20-30 მლნ გირვანქად (30,5 46 მლნ დოლარად) იყო შეფასებული. თუმცა პოტენციურმა მყიდველებმა ის საკმაოდ მშვიდად მიიღეს. ნახატის მაღალი ფასი განპირობებული იყო მხატვრის ნამუშევარზე მაღალი მოთხოვნითა და ასევე იმით, რომ ტილო ექვსი წლის განმავლობაში გამოფენილი იყო ლონდონის ეროვნულ გალერეაში.

(მოამზადა ნათია ცუხიშვილმა)