სამართალდამცველებმა დღეს ზუგდიდში მიმდინარე აქციის 10 მონაწილე დააკავეს. როგორც შსს მიერ გავრცელებულ ინფორმაციაშია ნათქვამი, შსს სამეგრელო- ზემო სვანეთის სამხარეო მთავარი სამმართველოს ზუგდიდის რაიონული სამმართველოს თანამშრომლებმა ზუგდიდში დრამატული თეატრის მიმდებარე ტერიტორიაზე აქციის 10 მონაწილე დააკავეს. დაკავებულების მიმართ სამართალწარმოება ადმინისტრაციულ სამართალდარღვევათა კოდექსის 166-ე მუხლით (წვრილმანი ხულიგნობა) მიმდინარეობს. ზუგდიდში დღეს "ნაციონალური მოძრაობის" პრაიმერის მორიგი ტურის დაწყების წინ, პარტიის მოწინააღმდეგეებმა საპრეზიდენტო კანდიდატებს ბოთლები და ქვები დაუშინეს.