„რატომ არ თვლიან, რომ საზოგადოება ნებისმიერი სხვა პოლიტიკური პარტიის გარეშე, შეიძლება აღშფოთებული იყოს იმით, რაც მათი მმართველობის შედეგად გამოვლინდა"- ასე აფასებს საპარლამენტო უმრავლესობის წევრი, გიორგი ვოლსკი „რეპორტიორთან," საუბარში ზუგდიდში განვითარებულ მოვლენებს. მისი თქმით, ბუნებრივია როცა სამეგრელოში „ნაციონალურ მოძრაობას" ხალხი ასეთი აგრესიით დახვდა.
„ის, რომ აქცია გარკვეული აგრესიული ელემენტებით ხასიათდებოდა. ეს იმ გამოვლენილმა და ჯერ კიდევ დაფარულმა ფაქტებმა გამოიწვია, რომელიც „ნაციონალური მოძრაობის" მმართველობის პერიოდს უკავშირდება. ადამიანების უფლებები ფეხქვეშ არის გათელილი და მოსახლეობამ შესაბამისი რეაგირება გააკეთა."-აცხადებს გიორგი ვოლსკი.
„ვფიქრობ, რომ ეს პრაიმერიც ხალხის დასანახავად გათამაშებულ სპექტაკლს ჰგავს, რაც საკმაოდ გამაღიზიანებელია, ხომ შეიძლება აუარო გვერდი დაძაბულობის შექმნას და რაღაცაზე უარი თქვა. მაგრამ იმისთვის, რომ არ დაძაბო ვითარება, შენი ქვეყანა უნდა გიყვარდეს"-აცხადებს უმრავლესობის წევრი „რეპორტიორთან „ საუბარში და უმცირესობის ბრალდებებს პასუხობს.
„რაში სჭირდება „ქართულ ოცნებას" ისედაც დისკრედიტირებული ნაციონალური მოძრაობისათვის რაღაც აქციების მოწყობა"? თავად ემიჯნებიან ყველანაირ დანაშაულს. რატომ არიან გაკვირვებულნი, რომ ნორმალური ადამიანი შეიძლება შეშფოთებული იყოს და პრეტენზიები ჰქონდეს „ნაციონალური მოძრაობისადმი" ყოველგვარი „ქართული ოცნების" გარეშე"... - აცხადებს გიორგი ვოლსკი.
