„თავისუფალი საქართველოს" ლიდერმა კახა კუკავამ, „რეპორტიორის" პრესკლუბში გამართულ პრესკონფერენციაზე ქვეყანაში სამართლიანობის აღდგენაზე ისაუბრა. კუკავას თქმით, ახალი ხელისუფლების მოსვლის შემდეგ, სამართლიანობის აღდგენის კუთხით, მხოლოდ ერთი პრეცედენტია და ეს ბიძინა ივანიშვილის ოჯახს ეხება.
„ერთადერთი პრეცედენტი ქვეყანაში სამართლიანობის აღდგენისა, ეს არის თავად ბიძინა ივანიშვილი. მის მიმართ ყველა ჯარიმა, რომელიც ბიუჯეტში ჰქონდა გადახდილი, უკან დაუბრუნეს. მან დაიბრუნა„ქართუ ჯგუფში" შემავალი კომპანიები, „ელიტა ბურჯი" და სხვა, რომლებიც სახელმწიფომ 2012 წლის მოვლენების დროს წაართვა. ერთი ოჯახი არაა, ბიძინა ივანიშვილის ოჯახის გარდა, რომლის მიმართაც სამართლიანობა აღდგა. ვერ დამისახელებთ საქართველოში თუნდაც ერთ პატარა ჯიხურს, რომ არაფერი ვთქვათ დიდ საწარმოებზე, რომ უკან დაბრუნებოდა ვინმეს"-ამტკიცებს კახა კუკავა.
