მსახიობი მიშა გომიაშვილი facebook-გვერდზე ოსკარის დაჯილდოების ცერემონიაზე წერს, რომ დაჯილდოება პოლიტიკური ნიშნით ხდება და გული არ გავიტეხოთ. მსახიობი ქართველებს მოუწოდებს, ლოს-ანჯელესიდან დაბრუნებული მსახიობები გავამხნევოთ და მოვეფეროთ:
„მთელი ღამე არ მეძინა... დედას ვფიცავარ, მართლა ძალიან ვინერვიულე... ყველას გაგვიცრუვდა მოლოდინი, მაგრამ ხომ ხედავთ - ოსკარი და ყველა, თითმის ყველა ფესტივალი და დაჯილდოება პოლიტიკური ნიშნით მიდის... აბა რა არის?... მთელ მსოფლიოში ისეთ ფილმებს აჯილდოებენ... თუ არა პოლიტიკა, აბა „იდა" ისეთი ფილმია, რომ გავგიჟდით? კი, კაი გაკეთებული კინოა... მორჩა... ამიტომ ნუ დაგვწყდება გული... ჩვენი ბიჭები რომ ჩამოვლენ, მოვეფეროთ... ხუთ ფილმში ქართული ფილმი იყო, რეჟისორი და სცენარისტი ქართველი, მსახიობები ქართველები, შემოქმედებითი ჯგუფი ქართველები... საქართველოში გადაღებული... მეტი რაღა?... მოვეფეროთ..." - წერს მიშა გომიაშვილი.
