სრულიად საქართველოს კათოლიკოს-პატრიარქმა, უწმინდესმა და უნეტარესმა,  ილია მეორემ დღეს, სამების საკათედრო ტაძარში საკვირაო ქადაგებისას ოჯახების მნიშვნელობაზე ისაუბრა. უწმინდესის თქმით, ოჯახები მრავალშვილიანი უნდა იყოს. " ჩვენ 17 ათასზე მეტი ნათლული გვყავს, ეს ის შვილებია, რომლებიც არ უნდა დაბადებულიყვნენ და რომლებსაც სიკვდილი ემუქრებოდათ, დღეს კი ისინი ჩემი საამაყო შვილები არიან",- ბრძანა უწმინდესმა. პატრიარქის თქმით, პრემიერ-მინისტრი ბიძინა ივანიშვილი ოჯახის სიძლიერესა და სიმტკიცეს დიდ ყურადღებას აქცევს.

"პრემიერმა სამების ეზოში ბავშვებისთვის სპეციალური ადგილი მოგვიწყო, ჩვენ ახლა მას დავლოცავთ. მინდა დავლოცო ბიძინა ივანიშვილი, ღმერთმა შეუწიროს ის სიკეთე, რომელსაც ჩვენი ერისთვის აკეთებს",- აღნიშნა უწმინდესმა.