ბათუმის "შერატონთან" მიმდინარე აქციაზე პოლიტპატიმრის სტატუსით გათავისუფლებული მერაბ გორგაძე დააკავეს. მიმდინარე აქციის დროს, მერაბ გორგაძემ მიხეილ მაჭავარიანის მისამართით ქვები და კვერცხები ისროლა. დაკავებული აცხადებს რომ „ნაციონალურ მოძრაობას“ არსებობის უფლება არ აქვს და სურს მთელ მსოფლიოს დაანახოს პარტიის შეცდომები. სამართალდამცველებმა გორგაძეს ბრალად საზოგადოებრივი წესრიგის დარღვევა წაუყენეს. ბათუმის სამმართველოს უფროსის ცნობით, ადგილზე მობილიზებული საპატრულო პოლიცია და სპეცდანიშნულების რაზმი სიმშვიდესა და უსაფრთხოებას უზრუნველყოფს.