უმცირესობის წარმომადგენელი მიხეილ მაჭავარიანი ბათუმში, „შერატონთან" გამართულ აქციას დაგეგმილს უწოდებს.

„სამწუხაროდ მთავრობამ ვერ უზრუნველყო ის პირობები რასაც  წინასაარჩევნოდ დაგვპირდა.  აქციის  ორგანიზებაში  „ქართული ოცნების"  აქტივისტები მონაწილეობდნენ,  ყველა მტკიცებულება არსებობს ამის შესახებ. როგორც ჩანს  „ნაციონალური მოძრაობის"  აქტიური კამპანია ბევრს აღიზიანებს. არ გვაქვს სამართლიანი გარემო. თუ ხელისუფლება ამას შეგნებულად აკეთებს, ძალიან ცუდია. „-აცხადებს მიხეილ მაჭავარიანი.

 „ერთიანი ნაციონალური მოძრაობის"  რიგით მეხუთე პრაიმერი უკვე დაიწყო. დელეგატების რეგისტრაცია დათქმულ დროს შედგა. შეგახსენებთ რომ, შეხვედრის მთავარი თემა განათლება, ტურიზმი და კულტურა იქნება.