გავრცელებული ინფორმაციით, ბათუმის "შერატონთან" მიმდინარე საპროტესტო აქციაზე კიდევ ერთი აქტივისტი, მერაბ ღოღობერიძე დააკავეს. ღოღობერიძე "ნაციონალური მოძრაობის" პრაიმერის დაწყებამდე "შერატონთან" არსებული პოლიციის კორდონის გარღვევას ცდილობდა, რისი საშუალებაც არ მიეცა. მოგვიანებით, მან პოლიციას "შერატონის" ტერიტორიაზე შესვლა კიდევ ერთხელ სთხოვა, ის პოლიციამ გაატარა, თუმცა შემდეგ დააკავეს. თავდაპირველად სამართალდამცველებმა მიმდინარე აქციაზე პოლიტპატიმრის სტატუსით გათავისუფლებული მერაბ გორგაძე დააპატიმრეს. "შერატონში" "ნაციონალური მოძრაობის" საპრეზიდენტო პრაიმერი მიმდინარეობს. სასტუმროსთან დილიდან დევნილები, ეკომიგრანტები, პოლიტპატიმრის სტატუსით გათავისუფლებული პირები და სოციალურად დაუცველები აქციას მართავენ.