ბათუმის ქუჩებში დღეს საქართველოს ექს-პრეზიდენტის მიხეილ სააკაშილის ფოტოები გამოჩნდა წარწერით: „ჩვენ გვახსოვს 26 მაისი", „ნულოვანი ტოლერანტობა, ყველა ციხეში"...
„ერთიანი ნაციონალური მოძრაობი წევრი“, აჭარის უმაღლესი საბჭოს დეპუტატი პეტრე ზამბახიძე დარწმუნებულია, რომ ეს მაღალი ხარისხის პლაკატები გუშინ პრემიერ-მინისტრმა ირაკლი ღარიბაშვილმა დაარიგა გამგებლებთან და მერებთან შეხვედრის დროს.
„გუშინ ღარიბაშვილთან თათბირზე გამგებლები და მერები იყვნენ დაბარებულები, ეს ფაქტი თავად არასერიოზულია, როცა აღმასრულებელი ხელისუფლება თვითმმართველობის არჩეულ თანამდებობის პირებს იბარებს თათბირზე, თუმცა ამ დაბარების შედეგი დღეს უკვე ცხადია. ნაცვლად იმისა, რომ წინასაარჩევნოდ დაპირებული საქმეები გაკეთდეს, როგორც ჩანს, გამოატანეს მაღალი ხარისხით დაბეჭდილი პლაკატები მუნციპალიტეტის წარმომადგენლებს... წარსულზე საუბრის დროს იკარგება აწმყო და მომავალი...მე მოვუწოდებ გაჩერებული საქმეების გაკეთებისკენ და თავი დაანებო წარსულში ხელების ფოთიალს, ჩვენც ბევრი გვაქვს გასახსენებელი, როცა შევარდნაძის დროინდელი კადრები დღესაც მაღალ თანამდებობებზე არიან..." - აცხადებს „ბათუმელებთან" პეტრე ზამბახიძე.
პეტრე ზამბახიძე ირწმუნება, რომ გამგებლებმა და მერებმა დავალებაც მიიღეს, რომ 21 მარტს თბილისში დაგეგმილ აქციაზე ხალხის წასვლას ხელი შეუშალონ.
წყარო - batumelebi.ge
(მოამზადა ნათია ცუხიშვილმა)
