საპარლამენტო უმრავლესობის წევრი დათო ლორთქიფანიძე დავით კეზერაშვილის მიმართ ბრალის დამძიმებას გამოეხმაურა. მისი განმარტებით, საზოგადოებას სამართლებრივ პროცესებთან დაკავშირებით აქვს დაუკმაყოფილებლობის შეგრძნება, რადგან „ნაციონალური მოძრაობის" წევრები მრავალი წლის განმავლობაში ქვეყანაში დიქტატურას  ამყარებდნენ.

„ეს ადამიანები უნდა დაისაჯონ. თუ პროკურატურამ დაუმძიმა ბრალი, ე.ი. გამოჩნდა ახალი გარემოებები, რომლის ყურადღების გარეშე დატოვება არ შეიძლება. პროკურატურას თავიდანვე უნდა ეზრუნა, რომ ყველა იმ ბრალეულობაზე, რომელიც მრავლად არის ამ ადამიანების საქმიანობაში, ჰქონოდა დროული რეაგირება",- განაცხადა ლორთქიფანიძემ „რეპორტიორში" გამართულ ბრიფინგზე.