ბათუმში „დემოკრატიული ჩართულობის ცენტრის" ოფისში ინციდენტი მოხდა. აჭარის უმაღლეს საბჭოში „ნაციონალური მოძრაობის" დეპუტატს პეტრე ზამბახიძეს კვერცხები დაუშინეს.
მერაბ ღოღობერიძე, გიორგი თუშმალიშვილი და კიდევ რამდენიმე პირი შენობაში შევიდნენ და პეტრე ზამბახიძეს კვერცხები ესროლეს.
პეტრე ზამბახიძის განცხადებით, ეს დაჯგუფება „ქართული ოცნების" აქტივისტებისგან არის დაკომპლექტებული და მათი მიზანი განსხვავებულ აზრთან ბროძოლაა.
„ეს დაჯგუფება ცდილობს, რომ განსხვავებულ აზრს ებრძოლონ. ესენი არიან „ქართული ოცნების" აქტივისტები. მე მოვუწოდებ არჩილ ხაბაძეს, ავთანდილ ბერიძეს და ყველას - გონს მოვიდნენ. ის ქმედებები, რასაც განახორციელებენ ქართული მედიის, არასამთავრობო სექტორისა და დამოუკიდებელი ოპოზიციის წინააღმდეგ, ბუმერანგივით დაუბრუნდებათ არჩილ ხაბაძეს, ავთანდილ ბერიძესა და ყველას, ვინც ამის უკან დგას" , - აცხადებს პეტრე ზამბახიძე.
