საქართველოს საპატრიარქო „სვეტიცხოვლობასთან" დაკავშირებით განცხადებას ავრცელებს. „რეპორტიორი"აღნიშნულ განცხადებას უცვლელად გთავაზობთ:

„სვეტიცხოვლობის ზეიმთან დაკავშირებით გაცნობებთ, რომ ა.წ. 13 ოქტომბერს, კვირას, ლოცვა დაიწყება 18.00 სთ-ზე, ხოლო წირვა, _ 14 ოქტომბერს 10.00 სთ-ზე. წირვა-ლოცვას სრულიად საქართველოს კათოლიკოს-პატრიარქი, უწმიდესი და უნეტარესი ილია II წმიდა სინოდის წევრებთან და სამღვდელოებასთან ერთად აღავლენს.

მრევლისთვის ორშაბათს, 14 ოქტომბერს, ავტობუსები გავა საპატრიარქოს მიმდებარე ტერიტორიიდან დილის 8.00 სთ-ზე.

შევნიშნავთ იმასაც, რომ ლოცვაზეც და წირვაზეც სვეტიცხოვლის საკათედრო ტაძარში დაბრძანებული იქნება წმიდა მეფე დავით აღმაშენებლის მიერ მოძიებული მსოფლიო დიდთა წმინდანთა წმიდა ნაწილები და ხალხს ექნება საშუალება მიახლებისა", - ნათქვამია განცხადებაში.