საქართველოს მეცნიერებათა ეროვნულ აკადემიაში მხატვარ რეზო ემელიანე ადამიას ნამუშევრების პერსონალური გამოფენა გაიმართა. გამოფენაზე „პარიზი" წარმოდგენილია ხელოვანის მიერ საფრანგეთის დედაქალაქში შესრულებული 75 ფერწერული ტილო.

გამოფენაზე მიწვეულ სტუმრებს შორის იყვნენ ცნობილი ქართველი საზოგადო მოღვაწეები. მათ შეაფასეს რეზო ადამიას ნამუშევრები და მადლობა გადაუხადეს მხატვარს მისი შემოქმედებისათვის.

ექსპოზიცია „პარიზი" მეცნიერებათა აკადემიის საგამოფენო სივრცეში ერთი თვის მანძილზე გაგრძელდება.