ზუგდიდის სასამართლოსთან საპროტესტო აქცია მიმდინარეობს. მას ქურდულ სამყაროსთან კავშირში ეჭვმიტანილების მშობლები მართავენ.

როგორც აქციის მონაწილეები აცხადებენ, მათი პრიტესტი სასამართლოზე ცრუ მოწმეების მიყვანას უკავშირდება. დაკავებულთა მშობლები აცხადებენ, რომ არც ერთი მათგანი მათი შვილების აყვანის პროცესში ადგილზე არ იმყოფებოდა.

მათივე ინფორმაციით, აღნიშნული პირები ცრუ ჩვენებების მიცემის გამო სამსახურებში დააწინაურეს.

აქციაზე ინციდენტიც მოხდა. სამართალდამცავებთან დაპირისპირების გამო 2 ადამიანია დაკავებული. ორივე მათგანი ზუგდიდის პოლიციაშია გადაყვანილი.