ეს ამბავი 1969 წელს დაიწყო, როცა ლონდონში ორმა მეგობარმა - ენტონი ბრუკმა და ჯონი რენდელმა თავიანთ მეგობარ გოგონებთან ერთად გადაწყვიტეს, შუაგულ ქალაქში ლომი აღეზარდათ. ლომს მათ ქრისტიანი დაარქვეს. გადიოდა დრო,  ლომი კი სულ უფრო იზრდებოდა... ცოტა ხანში მისი ლონდონში შენახვა და დატოვება შეუძლებელი გახდა. ცხოველების უფლებათა დამცველების დაჟინებული მოთხოვნით, ქრისტიანი დააბრუნეს მისთვის ჩვეულ გარემოში. მეცნიერ ჯოი ადამსონის დახმარებით მოხერხდა ლომისთვის ჩვეულ ადგილას ადაპტირება. ქრისტიანს საპირისპირო სქესის ლომიც მოუნახეს და სულ ცოტა ხანში იგი ლომების დიდი ოჯახის უფროსი გახდა. გავიდა ერთი წელი და მისმა აღმზრდელებმა მოისურვეს, ენახათ თავიანთი ,,შინაური ცხოველი". ისინი წინასწარ გააფრთხილეს, რომ გასული იყო მთელი წელი, რომ ქრისტიანი უკვე მეთაური იყო თავისი ოჯახის და იგი ვერანაირად ვერ იცნობდა თავის პატრონებს. თუმცა ლომის აღმზრდელები არ ნებდებოდნენ და დიდი ხნის ძებნის შემდეგ აფრიკაში მათ იპოვეს ქრისტიანი... რაც უნდა გასაკვირი იყოს, მან ყოფილი პატრონები იცნო. მათი შეხვედრის და ამ ლომის ისტორია კი იქცა სენსაციად...