გამოცდების ეროვნული ცენტრის ინფორმაციით, წლევანდელ ეროვნულ გამოცდებზე აბიტურიენტთა უპრეცედენტო რაოდენობა დაფიქსირდა, რის გამოც საგამოცდო ცენტრების რიცხვი გაიზარდა და  12 ქალაქში 18 საგამოცდო ცენტრი გაიხსნა.

ცენტრის ცნობით, ერთიანი ეროვნული გამოცდები 42 ათასზე მეტმა აბიტურიენტმა, 9500-ზე მეტმა მაგისტრანტმა, 25 ათასზე მეტმა პედაგოგმა და 8000-ზე მეტმა გრანტის გაუმჯობესების მსურველმა გაიარა. გამოცდიდან მოხსნის მხოლოდ 5 შემთხვევა დაფიქსირდა. გამოცდების შედეგების გამოქვეყნება უკვე დაიწყო და ყველა შედეგი ეტაპობრივად 15 აგვისტომდე გახდება ცნობილი.