საყდრისის საბადოს თანამშრომლები ქუთაისის პარლამენტის წინ აქციას მართავენ და „ნაციონალურ მოძრაობას" და „თავისუფალ დემოკრატებს" მოუწოდებენ, მათთან მივიდნენ და კითხვებზე პასუხი გასცენ. საბადოს თანამშრომლებს აინტერესებთ, რატომ ითხოვენ ისინი საპარლამენტო საკომისიო კომისიის შექმნას და რა იციან საყდრისის საბადოზე.
მათივე თქმით, თუკი „ნაციონალური მოძრაობა" და „თავისუფალი დემოკრატები" მათ პასუხს არ გასცემენ და საყდრისის წინააღმდეგ მიმართული ნაბიჯების გადადგმას გააგრძელებენ, ისინი პერმანენტულ აქციებს დაიწყებენ და ქუთაისში უფრო მეტი ადამიანი ჩავა.
საბადოს თანამშრომლების განცხადებით, გერმანელ ექსპერტებს, რომლებმაც საყდრისის თობაზე არქოლოგიური დასკვნა დადეს, გრანტები აქვთ შეჭმული, ისევე, როგორც საყდრისის გადარჩენის კომიტეტის წევრებს.
„ჩვენ გვაინტერესებს რა უნდათ მათ. გამოვიდნენ და გაგვცენ პასუხები, რატომ უნდათ, რომ 3000 კაცი, რომელთა უკანაც ოჯახები და შვილები დგანან, ლუკმაპურის გარეშე დარჩნენ. ჩვენ კი ვიცით, რაც უნდათ. მათ უნდათ, რომ ჭაობში და სიღარიბეში ვიყოთ, მაგრამ ჩვენ არ გვინდა სიცრუეში ცხოვრება. ჩვენ გვინდა მუშაობა და სიმართლით ცხოვრება", - განაცხადა „არემჯი კოპერის" თანამშრომელმა გიორგი ნასყიდაშვილმა.
