ფოთში საზოგადოების წევრებმა, ადგილობრივი მუნიციპალიტეტისა და პოლიტიკური პარტიების წარმომადგენლებმა 9 აპრილის მემორიალი გვირგვინებით შეამკეს.

ფოთის საკათედრო ტაძარში გარდაცვლილთა სულების მოსახსენიებლი პარაკლისიც გადაიხადეს.

„9 აპრილი არის ყველა ქართველისთვის მნიშვნელოვანი დღე, ჩვენთან მტერი ნიჩბებით არ მოდის უკვე, უფრო მზაკვრული მეთოდები აქვს, ყველა ქართველმა უნდა გავითავისოთ რომ ჩვენ ყველა ერთად ვაშენებთ საქართველოს" - განაცხადა ფოთის მერმა ირაკლი კაკულიამ.

კულტურის სამსახურის ორგანიზებით დღესვე მოეწყობა ფილმის ჩვენება რომელიც 9 აპრილს მიმდინარე მოვლენებს მიეძღვნება.

(მოამზადა ნათია ცუხიშვილმა)