სრულიად საქართველოს კათოლიკოს-პატრიარქი ილია მეორე სააღდგომო მსახურებას სვეტიცხოვლის საკათედრო ტაძარში ჩაატარებს. ამის შესახებ საქართველოს საპატრიარქო განცხადებას ავრცელებს.

„სააღდგომო მსახურებას სრულიად საქართველოს კათოლიკოს-პატრიარქი ილია II სვეტიცხოვლის საკათედრო ტაძარში ჩაატარებს. წირვა-ლოცვა დაიწყება შაბათს, ღამის 00:00 საათზე. მცხეთაში წასასვლელად მრევლისათვის ავტობუსები გავა 22:00 საათზე, საქართველოს საპატრიარქოს მიმდებარე ტერიტორიიდან. აღდგომა დღეს, 12 აპრილს, 18:00 საათზე, საქართველოს მართლმადიდებელი ეკლესიის ყველა ტაძარში სამადლობელი პარაკლისი აღევლინება და მიმდებარე ქუჩების კურთხევა მოხდება", - ნათქვამია საპატრიარქოს განცხადებაში. 

(მოამზადა ნინი მოდრეკილმა)