მთავარმა პროკურორმა არჩილ კბილაშვილმა ჟურნლისტებთან დავით კეზერაშვილის ექსტრადირების შესახებ გააკეთა კომენტრი. მისი განმარტებით, „40 დღემდე მოხდება იმ მტკიცებულებების გადაგზავნა, რომელიც აუცილებელია იმისთვის, რათა მიაწოდოს საფრანგეთის იუსტიციის სამინისტროს, რომ შემდგომში უკვე კეზერაშვილის ექსტრადირების გადაწყვეტილება იყოს მიღებული".
საფრანგეთში თავდაცვის ყოფილი მინისტრის დავით კეზერაშვილის საქმეზე სასამართლო დღეს აღარ იმსჯელებს. პროცესი რამდენიმე დღით გადაიდო. დაცვის მხარე ვარაუდობს, რომ შესაძლოა, კეზერაშვილს აღკვეთის ღონისძიება პატიმრობა გირაოთი შეეცვალოს. სასამართლოსთან დაკაშირებით ოფიციალურ ინფორმაციას არ ფლობს საქართველოს დიპლომატიური მისია საფრანგეთში.
საფრანგეთის ელჩის ეკატერინე სირაძე-დელონეს განცხადებით, ელჩის წარმომადგენლებს კეზერაშვილი არ მოუნახულებიათ. ელჩისვე ინფორმაციით თავდაცვის ყოფილი მინისტრი კვლავ ციხეში რჩება და 40 დღიანი წინასწარი პატიმრობა აქვს შეფარდებული.
„პროცესთან დაკავშირებით არანაირ ინფორმაციას არ ვფლობ. ვერ დავადასტურებ, რომ რამე პროცესს ექნება ადგილი. მისჯილი აქვს 40 დღიანი წინასწარი პატიმრობა და გადაყვანილია უკვე წინასწარი პატიმრობის საკანში",-განაცხადა ელჩმა.
