გურჯაანის გამგებელი გივი გერგიძე და საკრებულოს თავმჯდომარე ვანო ბერიძიშვილი „ნაციონალური მოძრაობის" ბრალდებებს  უარყოფენ და „ტყუილს" უწოდებენ.

გერგიძის თქმით, ხელშეკრულებები, რომელზეც „ნაციონალურ მოძრაობაში" საუბრობენ, მათი ხელისუფლებაში მოსვლამდე გაფორმდა.

ვანო ბერიძიშვილის თქმით, მას პროექტი არავისთვის მიუცია.

„ეს არის ტყუილი, მე არავისთვის პროექტი არ მიმიცია, იმიტომ, რომ არ ვიყავი მაგ დროს,"-განაცხადა ვანო ბერიძიშვილმა.

„ნაციონალურმა მოძრაობამ" გურჯაანში ანტიკორუფციული მოკვლევის შედეგები გაასაჯაროვა. ჟურნალისტებისთვის წარდგენილ მასალაში ლაპარაკია კორუფციული გარიგებების და ტენდერების პირობების დარღვევით გურჯაანის გამგეობასა და საკრებულოში ხელშეკრულებების გაფორმების ფაქტებზე.

(მოამზადა ნათია ცუხიშვილმა)